Футболдан әлем чемпионаты: Швеция құрамасы Тунистен басым түсті

Швеция құрамасы АҚШ, Канада және Мексикада қатар өтіп жатқан әлем чемпионатының топтық кезеңінде Тунистен басым түсті, деп хабарлайды KAZ.NUR.KZ тілшісі.

F тобындағы матч Мексиканың Монтеррей қаласындағы "Би-Би-Ви-Эй" стадионында өтті. Швеция құрамасы 5:1 есебімен жеңіске жетті.

Жартылай қорғаушы Ясин Аяри дубль жасады (7, 90+6 минут), ал шабуылшы Александр Исак (30), шабуылшы Виктор Гекерес (59) және қаптал шабуылшысы Маттиас Сванберг (84) бір-бір голдан соқты. Тунис құрамасының жалғыз голының авторы – қорғаушы Омар Рекик (43).

Бірінші турдан кейін Швеция қоржынына үш ұпай салып, F тобында көш бастады. Келесі ойында скандинавиялықтар Нидерландпен кездеседі, олар Жапониямен тең ойнаған болатын.

Ұпайсыз қалған Тунис турнир кестесінде соңғы орында тұр. Команда 20 маусымда Жапониямен ойнайды.

Мәтіннен қате тапсаңыз, бізге жазыңыз