Лионель Месси әкесімен қоштасты және сотқа талап арыз бермек

Атақты футболшы Лионель Месси әкесін ақтық сапарға аттандырды, деп хабарлайды "Чемпионат" басылымына сілтеме жасаған KAZ.NUR.KZ.

Спорт басылымының аргентиналық Clarín порталының мәліметіне сүйеніп жазуынша, футболшы 9 тамызда әкесі Хорхе Мессиді жер қойнына тапсырған.

"Қоштасу рәсімінен кейін Месси отбасымен бірге қауіпсіздік шаралары күшейтілген зират аумағынан кетіп қалды. Футболшыны жақындарымен бірге Аргентинаға жеткізген жеке ұшақ Майамиге бос қайтты", - делінген хабарламада.

Дегенмен Мессидің Аргентинада қанша уақыт болатыны әзірге белгісіз.

Сондай-ақ басылымның жазуынша, футболшы әкесімен қоштасу рәсімі кезінде отбасының жеке өміріне қол сұқты деп есептейтін аргентиналық бұқаралық ақпарат құралдарына қатысты заңды шаралар қолдануға ниетті.

"Месси Хорхе Мессимен қоштасу кезінде отбасының жеке өміріне қол сұққан аргентиналық БАҚ-қа қарсы заңды шаралар қолданатынын растады", - дейді аргентиналық журналист Фран Касаретто.

Айта кетейік, бұған дейін БАҚ-та аргентиналық шабуылшы Лионель Мессидің әкесі әрі агенті Хорхе Месси ұзаққа созылған аурудан кейін 68 жасында қайтыс болғаны туралы ақпарат тараған еді.

Мәтіннен қате тапсаңыз,бізге жазыңыз