Қазақстандық спортшылар пара үстел теннисінен Азия ойындарында тарихи жүлделерге ие болды

Жапонияда өтіп жатқан 2026 жылғы Азия ойындарында пара үстел теннисінен Қазақстан құрамасы екі қола медаль еншіледі, деп хабарлайды КAZ.NUR.KZ.

Әли Мақұлбеков тік тұрып ойнайтын спортшылар арасында жартылай финалға дейін жетті.

Жартылай финалда Мақұлбеков Қытай өкілі Чжао Шуаймен кездесті. Матч 0:3 есебімен аяқталды. Партиялар нәтижесі - 2:11, 5:11, 6:11.

Турнир қорытындысы бойынша Әли Мақұлбеков үшінші орын иеленді. Бұл қола жүлде Қазақстан тарихындағы Азия Пара ойындарындағы пара үстел теннисінен алғашқы медаль болды.

Осыған ұқсас жүйемен тағы бір қазақстандық Ардақ Нұрмағамбетов жеңіс тұғырына көтерілді. Турнир барысында Ардақ Үндістан өкілдері Джехан Мадан мен Сандип Дангиді жеңді. Сауд Арабиясының өкілі Ракан Альсалми және Корея Республикасының спортшысы Ким Хен Укпен өткен кездесулерде қазақстандық спортшы 0:3 есебімен есе жіберді.

Қорытынды кездесуінде Нұрмағамбетов Сандип Дангиді 3:0 есебімен жеңді. Жарыс қорытындысы бойынша Ардақ үшінші орын иеленіп, V Азия Пара ойындарының қола жүлдегері атанды.

Мәтіннен қате тапсаңыз, бізге жазыңыз