ММА шебері Санжар Әділов Қазақстанға Азия ойындарының тарихи жүлдесін сыйлады

Аралас жекпе-жек (ММА) шебері Санжар Әділов Жапонияда өтіп жатқан 2026 жылғы Азия ойындарында Қазақстан қоржынына жетінші медальді салды, деп хабарлайды KAZ.NUR.KZ.

Спортшы 65 келіге дейінгі салмақ дәрежесінде, қатысушылар спорттық кимономен жекпе-жекке шығатын "Traditional" санатында өнер көрсетті.

Ширек финалда Әділов Афшин Салими Тупгарды жеңгенімен, жартылай финалда тәжікстандық Отабек Раджабовтан төрешілердің бірауыздан қабылдаған шешімімен жеңіліп қалды.

Регламент бойынша үшінші орын үшін жеке белдесу қарастырылмаған. Осылайша, Әділов екінші жартылай финалда жеңілген спортшымен бірге қола жүлдеге ие болды.

Айта кетейік, бұл – Қазақстан құрамасының 2026 жылғы Азия ойындарындағы жетінші және ММА тарихындағы алғашқы жүлдесі. Аралас жекпе-жек жазғы Азия ойындарының бағдарламасына алғаш рет енгізіліп отыр.

Мәтіннен қате тапсаңыз,бізге жазыңыз