Азия ойындары: қазақстандық баскетболшылар топтық кезеңнен әрі аса алмады

Қазақстан баскетболшылары Жапонияда өтіп жатқан жазғы Азия ойындарының плей-офф кезеңіне өте алмады, деп хабарлайды KAZ.NUR.KZ Спортты дамыту дирекциясына сілтеме жасап.

Жапонияның Аичи префектурасы мен Нагоя қаласында өтіп жатқан ХХ жазғы Азия ойындарында баскетбол бәсекесінің топтық кезеңі мәресіне жетті.

С тобында өнер көрсетіп Қазақстан ерлер құрамасы шешуші ойында Бахрейнмен алаңда жолығып, 78:101 есебімен есе жіберді.

Осылайша отандастарымыз топтағы барлық үш ойында қарсыластарына жол беріп, плей-оффқа өте алмады.

Айта кетейік, Азия ойындарының ресми ашылу салтанаты 19 қыркүйекте Нагоя қаласындағы Nagoya City Mizuho Park Athletic стадионында өтеді.

Мәтіннен қате тапсаңыз,бізге жазыңыз