Елена Рыбакина US Open қорытындысы бойынша ресми түрде әлемнің бірінші ракеткасы атанады

Қазақстандық теннисші Елена Рыбакина US Open турнирінің қорытындысы бойынша алғаш рет Әйелдер теннис қауымдастығының (WTA) рейтингінде көш бастайды, деп хабарлайды KAZ.NUR.KZ тілшісі.

US Open ширек финалында спортшы қытайлық Чжэн Циньвэньді 3:6, 6:1, 6:4 есебімен жеңді. Ол мансабындағы маңызды жеңіске қол жеткізді.

Жартылай финалға шыққан Рыбакина WTA рейтингінде кемінде 8681 ұпай жинады. Бұл нәтиже оған қарсыластарының ойынына қарамастан, тарихи жетістікке жетуге мүмкіндік беріп отыр. US Open қорытындысы бойынша спортшы әлемнің бірінші ракеткасы атанады. Бұған дейін Қазақстан өкілдерінің ешқайсысы мұндай нәтижеге қол жеткізген емес.

WTA рейтингі "Үлкен дулыға" турнирі аяқталғаннан кейін ресми түрде жаңартылады.

2024 жылдың қазан айынан бастап рейтингте белоруссиялық Арина Соболенко үздіксіз көш бастап келді. Ол 99 апта бойы үздік атанып келді. Бұл әйелдер теннисі тарихындағы алтыншы нәтиже.

Соболенко да, Рыбакина сияқты, US Open жартылай финалына шықты. Алайда белоруссиялық спортшы чемпиондық атағы үшін ұпайларын қорғауы керек. Сондықтан ол кез келген жағдайда қазақстандық теннисшіден артта қалады. US Open турнирінен кейін Соболенко жинай алатын ең жоғары ұпай саны – 8575.

Егер белоруссиялық спортшы чемпиондық атағын қорғай алмаса, рейтингте Джессика Пегула немесе Коко Гауффтан да артта қалып қоюы мүмкін. Америкалық теннисшілер US Open турнирінде жеңіске жетсе, сәйкесінше 8485 немесе 8486 ұпай жинайды.

Мәтіннен қате тапсаңыз,бізге жазыңыз