Қазақстандық киберспортшылар The International турнирінің ширек финалында жеңіске жетті

Шанхайда Dota 2 бойынша ірі турнир – The International өтіп жатыр. Team Yandex құрамындағы қазақстандық киберспортшылар ширек финалда жеңіске жетті, деп хабарлайды KAZ.NUR.KZ.

Бұл кезеңде олардың қарсыласы еуропалық Team Liquid командасы болды. Матч 2:0 есебімен Team Yandex-тің пайдасына аяқталды.

Жеңімпаз команда құрамында Әлімжан "Watson" Исламбеков ең жоғары нәтиже көрсетті. Сондай-ақ Team Yandex құрамындағы тағы бір қазақстандық Арман "Malady" Оразбаев, ресейліктер Дмитрий "DM" Дорохин мен Илья "CHIRA JUNIOR" Чирцов және македониялық Мартин "Saksa" Саздов өнер көрсетеді.

Команда жартылай финалдың жоғарғы торына шықты. Онда олар еуропалық және азиялық киберспортшылардан құралған Nigma Galaxy командасымен кездеседі. Бұл кезеңнің басқа матчында Team Spirit пен TEAM VISION ойнайды.

Team Liquid турнирді төменгі торда жалғастырады. Олардың келесі қарсыластары – Team Falcons өкілдері.

Мәтіннен қате тапсаңыз,бізге жазыңыз