Көркем гимнастикадан әлем чемпионатында 16 жастағы Ақмарал Ерекешева 6-орын алды

Франкфуртте көркем гимнастикадан әлем чемпионатының жекелей көпсайыс финалы аяқталды. Додада Қазақстанның намысын қорғаған Ақмарал Ерекешева 6-орыннан көрінді, деп хабарлайды baq.kz.

16 жастағы қазақстандық гимнаст, жасөспірімдер арасындағы әлем чемпионы Ақмарал Ерекешева төрт жаттығудың қорытындысы бойынша 116,000 ұпай жинап, алтыншы орын алды.

Жарыстың жүлдегерлер үштігі:

• Дарья Варфоломеева (Германия) – 119,500 ұпай;
• Стилиана Николова (Болгария) – 117,600 ұпай;
• София Раффаэли (Италия) – 117,550 ұпай.

Жекелей көпсайыста 73 елден 102 спортшы өнер көрсетті.

Ақмарал Ерекешева енді 16 тамызда өтетін таспа және шоқпармен жаттығу финалдарында бақ сынайды.

Мәтіннен қате тапсаңыз,бізге жазыңыз