"Абсолютті чемпион": 15 жастағы қазақстандық ауыр атлет Азия чемпионатында 5 алтын алды

Ташкентте өтіп жатқан ауыр атлетикадан Азия чемпионатында 15 жастағы Снежана Қашқарова 5 алтын медаль жеңіп алды, деп хабарлайды Ауыр атлетика федерациясына сілтеме жасаған KAZ.NUR.KZ.

Федерацияның Instagram-дағы арнасында хабарланғандай, Өзбекстандағы додада Снежана Қашқарова ерекше көзге түскен.

15 жастағы спортшы сәтті өнер көрсетіп, Азияның 3 және әлемнің 3 рекордын жаңартқан:

• 88 кг – жұлқа көтеруде;
• 112 кг – серпе көтеруде;
• 200 кг – қос сайыс нәтижесінде.

Бұл нәтиже жарыстағы ең үздік көрсеткіш болған.

"Снежана 57 кг салмақ дәрежесінде өнер көрсетіп, 5 алтын медаль иеленді. Ол 17 жасқа дейінгі және 20 жасқа дейінгі қыздар арасында Азия құрлығының абсолютті чемпионы атанды!"- делінген хабарламада.

Посмотреть эту публикацию в Instagram

Публикация от Kaz Weightlifting Federation (@wf_rk)

Мәтіннен қате тапсаңыз,бізге жазыңыз