Қазақстандық спортшы жылжымалы нысана көздеуден әлем чемпионы атанды

Жылжымалы нысана көздеуден Таллинде өтіп жатқан әлем чемпионатында ел қоржынына алтын және қола медаль түсті, деп хабарлайды Туризм және спорт министрлігіне сілтеме жасаған KAZ.NUR.KZ.

Министрліктің мәліметінше, 10 метр қашықтықтан жылжымалы нысанаға оқ атудан жеке сайыста Фатима Ирназарова топ жарса, Зухра Ирназарова қола жүлдеге ие болған.

Финалдық бәсекеде Фатима Ирназарова Украина спортшысы Виктория Рыбоваловадан 6:2 есебімен басым түскен.

Қола жүлде үшін таласта Зухра Ирназарова Мажарстан өкілі Бианка Барбара Фаркасн Кецелиді 6:4 есебімен жеңген.

Сондай-ақ іріктеу кезеңінде Зухра Ирназарова 573 ұпай жинап, жасөспірімдер арасындағы әлем рекордын жаңартқан.

Айта кетейік, жаһандық додаға 17 елден 100-ге жуық спортшы қатысып жатыр.

Мәтіннен қате тапсаңыз,бізге жазыңыз