Жалғас Жұмағұлов грузин файтерін тас-талқан етіп жеңіп, титулын тартып алды

Аралас жекпе-жектен қазақстандық танымал файтер Жалғас Жұмағұлов (17-9) Германияның Гамбург қаласында өткен OKTAGON 73 турнирінде грузин спортшысын жеңіп, чемпиондық атақты иеленді, деп жазады 1bol.kz.

Аса жеңіл салмақта өткен жекпе-жекте Жалғас грузиннің танымал файтері Бено Адамимен (12-8-2) төбелескен болатын. Кездесу толық бес раунд өтіп, төрешілер шешімімен қазақ жауынгері жеңімпаз деп танылды.

Айта кету керек, Бено Адами қатарынан алты жекпе-жекте жеңіске жетіп, кеше чемпиондық титулын қорғауы тиіс болған. Алайда, оның жолын Жалғас Жұмағұлов кесіп, белбеуді өз иелігіне алды.

Отандасымыз бұған дейін UFC лигасында да төбелескен. Элиталық дивизионда 7 жекпе-жек өткізген ол алтауында жеңіліп, жаңа контракт ала алмады.

Мәтіннен қате тапсаңыз, бізге жазыңыз