Неймар Бразилия құрамасындағы мансабын ресми аяқтады

34 жастағы бразилиялық футболшы Неймар ұлттық құрамадағы мансабын аяқтағанын мәлімдеді. Бұл туралы TNT Sports Brasil басылымына сілтеме жасаған KAZ.NUR.KZ хабарлайды.

Шабуылшы бразилиялық "Сантос" клубының сапында Оңтүстік Америка кубогының 1/16 финалында венесуэлалық УСВ командасын 4:2 есебімен жеңді. Матчтан кейін Неймар журналистерге болашақ мансабы туралы айтты.

"Ұлттық құрамадағы уақытым аяқталды. Мен тарихқа еніп, бақытты болдым деп ойлаймын. Көп нәрсені бастан өткердім, бар күш-жігерімді салып, осы сары жейденің абыройы үшін әрқашан күрестім. Бірақ енді жалғастырғым келеді деп ойламаймын", - деді Неймар.

Шабуылшы үшін Бразилия құрамасы сапындағы соңғы турнир 2026 жылғы әлем чемпионаты болды, онда ол екі матчта пенальтиден бір гол соқты.

Неймар ұлттық құрама сапында барлығы 130 ойын өткізді. Ол Бразилия құрамасы тарихындағы ең көп гол соққан (80) және ең көп нәтижелі пас берген (59) ойыншы ретінде рекорд иегері.

Мәтіннен қате тапсаңыз,бізге жазыңыз