Футболдан әлем чемпионатының 1/16 финалында Кейннің дублі Англияға жеңіс сыйлады

Англия құрамасы 2026 жылғы әлем чемпионатында Конго Демократиялық Республикасын жеңіп, 1/8 финалға өтті, деп хабарлайды KAZ.NUR.KZ тілшісі.

1/16 финалдық матч АҚШ-тың Атланта қаласындағы "Мерседес-Бенц" стадионында өтті. Есеп – 2:1.

Есепті конголық жартылай қорғаушы Брайан Сипенга (7) ашты, оған қорғаушы Чансель Мбемба пас берді.

Англия командасы шабуылшы Харри Кейннің (75) дәл соққысының арқасында есепті теңестірді. Содан кейін команда капитаны екінші голын соқты (86). Екі жағдайда да вингер Энтони Гордон ассист жасады.

Харри Кейн Англия құрамасы сапында әлем чемпионаттарында ең көп гол (13 гол) соққан ойыншы ретінде рекордын жаңартты.

2026 жылғы әлем чемпионатында Кейн бес гол соғып, норвегиялық Эрлинг Холандтың көрсеткішіне жетті. Ол тек аргентиналық Лионель Месси мен франциялық Килиан Мбаппеден артта.

Англия құрамасы әлем чемпионатының 1/8 финалына шықты, енді олар Мексикамен кездеседі. Матч Мехико қаласындағы "Ацтека" стадионында 6 шілдеде Қазақстан уақыты бойынша таңғы сағат 5:00-де басталады.

Мәтіннен қате тапсаңыз, бізге жазыңыз