Месси тарихи рекорд орнатуы мүмкін: футболдан 22 маусымдағы ӘЧ кестесі

Дүйсенбі, 22 маусымда Аргентина құрамасы 2026 жылғы футболдан әлем чемпионатындағы екінші матчын өткізеді. KAZ.NUR.KZ назарларыңызға ойындар кестесін ұсынады.

Таңғы сессияда G және H топтарының матчтары өтеді. Кешке J тобының уақытша көшбасшылары Аргентина мен Австрия кездеседі.

Бұл кездесуде Лионель Месси әлем чемпионаттары тарихында ең көп гол соққан жалғыз футболшы атануы мүмкін. Бірінші турдағы хет-триктен кейін ол неміс футболшысы Мирослав Клоземен көшбасшылықты бөлісіп тұр. Олардың әрқайсысы әлем біріншіліктерінде 16 гол соққан.

Қазақстан уақыты бойынша 22 маусымға арналған матч кестесі:

• 00:00 (21 маусымнан 22 маусымға қараған түні). Бельгия - Иран. G тобы, "Соу-Фай" стадионы, Инглвуд (АҚШ)
• 03:00. Уругвай - Кабо-Верде. H тобы, "Хард Рок" стадионы, Майами Гарденс (АҚШ)
• 06:00. Жаңа Зеландия - Мысыр. G тобы, "Би-Си Плейс" стадионы, Ванкувер (Канада)
• 22:00. Аргентина - Австрия. J тобы, "Эй-Ти-энд-Ти" стадионы, Арлингтон (АҚШ)

Бұл матчтың барлығын "Qazsport телеарнасы тікелей эфирде көрсетеді.

Футболдан 2026 жылғы әлем чемпионатының толық кестесін мына жерден көруге болады.

Мәтіннен қате тапсаңыз, бізге жазыңыз