Футболдан ӘЧ-2026: Иран құрамасы Жаңа Зеландиямен тең ойнады

АҚШ, Канада және Мексикада өтіп жатқан футболдан 2026 жылғы әлем чемпионатының топтық кезеңінің бірінші турында Иран мен Жаңа Зеландия құрамалары тең ойнады, деп хабарлайды KAZ.NUR.KZ.

G тобындағы бірінші тур ойыны АҚШ-тың Инглвуд қаласындағы "Софи Стэдиум" стадионында өтіп, 2:2 есебімен аяқталды.

Жаңа Зеландия шабуылшы Элайджа Генри Джасттың бірінші таймның жетінші минутында соққан голының арқасында алға шықты. Иран 32-минутта қорғаушы Рамин Резаэян соққан голдың арқасында есепті теңестірді.

Екінші таймда Джаст командасын тағы да алға шығарды, бірақ Иран шабуылшысы Мохаммад Мохеби есепті теңестіріп үлгерді.

Бірінші турдан кейін G тобындағы төрт команданың барлығында бір-бір ұпайдан бар.

22 маусымда Иран Бельгиямен, ал Жаңа Зеландия Мысыр құрамасымен кездеседі.

Мәтіннен қате тапсаңыз, бізге жазыңыз