Ислам ойындары: Қазақстан қоржынына тағы екі күміс медаль түсті
Жарияланған күні:
Эр-Риядта өтіп жатқан Ислам ынтымақтастығы ойындарында бүгін Қазақстан қоржыны тағы екі күміс медальмен толықты. Отандық спортшылар джиу-джитсу мен гандболдан екінші орынды еншіледі, деп хабарлайды KAZ.NUR.KZ.
52 келіге дейінгі салмақта ел намысын қорғаған балуан Жібек Құлымбетова джиу-джитсудан Ислам ойындарында екінші орынға ие болды.
Ақтық сында ол Асма Альхосанимен (БАӘ) кездесті. Шешуші жекпе-жектің қорытындысы бойынша БАӘ өкілі жеңіске жетсе, Жібек жарысты екінші орынмен аяқтады.
Сондай-ақ гандболдан әйелдер құрамасы да ел қоржынын күміс жүлдемен толықтырды. Финалдық бәсекеде қазақстандық спортшылар Түркия құрамасына 34:31 есебімен жол беріп қойды.
Айта кетейік, бұған дейін балуан Ризабек Айтмұхан да Ислам ынтымақтастығы ойындарында күміс жүлдені жеңіп алғанын хабарлаған едік.
Мәтіннен қате тапсаңыз, бізге жазыңыз
Оригинал статьи: https://kaz.nursport.kz/fight/2311926-islam-oiyndary-qazaqstan-qorzhynyna-tagy-eki-kumis-medal-tusti/
