"Иә" дедім": Абиба Абужақыноваға сүйіктісі тұрмысқа шығуға ұсыныс жасады (фото)
Жарияланған күні:
Танымал дзюдошы Абиба Абужақыноваға сүйіктісі тұрмысқа шығуға ұсыныс жасады. Бұл туралы спортшы әлеуметтік желідегі парақшасында хабарлады, деп жазады KAZ.NUR.KZ.
Дзюдошы Instagram-дағы парақшасында "Мен иә дедім", - деп жазып, қуанышты сәттен бірнеше фото жариялаған.
Алайда Абиба сүйіктісінің түр-келбетін көрсетпеген. Фотодан үлкен қызыл раушан гүл шоғын ұстап тұрған ер адам мен Абибаны байқауға болады.
Желі қолданушылары спортшыға бақыт тілеп, жылы лебіздерін жазып жатыр.
Айта кетейік, Абиба Абужақынова – дзюдодан Қазақстан әйелдер құрамасының көшбасшысы. Ол 48 келіге дейінгі салмақ дәрежесінде өнер көрсетеді.
Спортшы 2022, 2024 жылғы әлем чемпионатының қола, 2025 жылғы әлем чемпионатының күміс жүлдегері.
Сондай-ақ 2022 жылғы Азия ойындарының күміс және 2021 және 2022 жылғы Азия чемпионатының күміс жүлдегері.
Мәтіннен қате тапсаңыз, бізге жазыңыз
Оригинал статьи: https://kaz.nursport.kz/about-sports/2357637-ia-dedim-abiba-abuzhaqynovaga-suiiktisi-turmysqa-shyguga-usynys-zhasady-foto/
