Ресейде бес адамнан маймыл шешегі анықталды

Санкт-Петербургтегі Боткин атындағы клиникалық жұқпалы аурулар ауруханасында бес науқастың маймыл шешегін жұқтырғаны расталды, деп хабарлайды KAZ.NUR.KZ РИА Новости-ге сілтеме жасап.

Санкт-Петербургтегі Боткин атындағы клиникалық жұқпалы аурулар ауруханасы маймыл шешегінің белгілері бар деп жатқызылған бес науқастың инфекция жұқтырғаны расталғанын мәлімдеді.

Медициналық мекеме пациенттердің жағдайы тұрақты, жеңіл және орташа ауырлықта екенін, емдеу шаралары жалғасып жатқанын хабарлады.

Роспотребнадзор жағдайды бақылауда ұстап отырғанын және инфекцияны анықтау үшін барлық қажетті шараны қабылдап жатқанын мәлімдеді. Ведомство өкілдері Ресейде маймыл шешегін, оның ішінде жаңа нұсқаларын анықтауға арналған тест жүйелері жеткілікті мөлшерде бар екенін атап өткен.

Мәтіннен қате тапсаңыз, бізге жазыңыз