АҚШ әуежайларының бірінде төрт аяқты ЖИ-роботтар қызметкерлерге көмектеседі

Питтсбург халықаралық әуежайында терминалдағы тазалық пен қауіпсіздікті бақылау үшін жасанды интеллектпен қамтылған робот-иттерді сынақтан өткізу бойынша пилоттық жоба іске қосылды, деп жазды People-ға сілтеме жасаған KAZ.NUR.KZ.

Жергілікті Skild AI компаниясы әзірлеген жерүсті автономды роботтары xBridge инновациялық бағдарламасы аясында терминалды патрульдеуге шықты. Төрт аяқты көмекшілер датчиктермен, камералармен және машиналық көру технологиясымен жабдықталған, соның арқасында олар залдарды аралап, адамның қатысуынсыз тұрмыстық мәселелерді анықтайды.

Роботтар терминал кеңістігін автономды түрде сканерлеп, еденге төгілген сұйықтықтарды, толып кеткен қоқыс жәшіктерін және ауаның жай-күйін тіркейді. Ақауды немесе ластануды тапқан кезде құрылғы техникалық қызметшілерге лезде сигнал жібереді, бұл әуежай қызметкерлеріне олқылықтарды жедел жоюға және жолаушыларға қызмет көрсету бойынша күрделірек міндеттерге назар аударуға мүмкіндік береді.

Алты айлық сынақ роботтардың нақты жағдайдағы тиімділігін бағалауға көмектеседі. Болашақта әуежай басшылығы автономдық көмекшілердің функционалын кеңейтіп, оларға жолаушыларға тамақ пен сусын жеткізуді, сондай-ақ қызметкерлер үшін заттар мен жабдықтарды тасымалдауды сеніп тапсыруды жоспарлап отыр.

Мәтіннен қате тапсаңыз, бізге жазыңыз