Трамп Си Цзиньпинді ұшақ трапының жанында өзі қарсы алды (видео)

АҚШ президенті Дональд Трамп ҚХР төрағасы Си Цзиньпинді ұшақ трапынан қарсы алды. Қытай басшысы АҚШ-қа мемлекеттік сапармен келді, деп хабарлайды KAZ.NUR.KZ.

"Синьхуа" ақпарат агенттігінің мәліметінше, Си Цзиньпин Эндрюс базасына ұшақпен келген. Салтанатты рәсімге АҚШ-тың бірінші ханымы Мелания Трамп та қатысты.

Қарсы алу рәсімі барысында зеңбіректен оқ атылып, екі елдің мемлекеттік әнұрандары орындалған.

РИА Новости агенттігінің хабарлауынша, Трамп жұбайымен бірге барлық дайындық жұмысы аяқталған кезде ұшу-қону жолағына келген. Трап алдына қызыл кілем төселіп, оның екі жағына америкалық әскери қызметшілер мен Қытай делегациясының мүшелері сап түзеп тұрды.

АҚШ президенті ҚХР төрағасының шығуын күтіп, бірнеше минут олармен әңгімелескен.

Си Цзиньпин ұшақтан бірінші ханым Пэн Лиюаньмен қол ұстасып шықты. Көшбасшылардың траптағы қол алысуы ұзаққа созылмады, алайда олар ұшақ жанында біраз уақыт аялдап, әңгімелесіп тұрды. Сол сәтте оларға бір ұл мен бір қыз бала жақындап, гүл шоқтарын сыйлады.

Қарсы алу рәсімінің соңында делегацияның үстінен бомбалаушы ұшақ ұшып өтті.

Chinese President Xi Jinping arrived at Joint Base Andrews on Wednesday afternoon for a state visit to the United States.
Xi and his wife, Peng Liyuan, were warmly greeted by U.S. President Donald Trump and his wife, Melania Trump, at the airport in a rare planeside welcome.
The… pic.twitter.com/obO8DmEtNd

— China Xinhua News (@XHNews) September 24, 2026

Мәтіннен қате тапсаңыз,бізге жазыңыз