Қытай мен Непал шекарасындағы су тасқыны: зардап шеккендер арасында қазақстандықтар бар ма

Қытай мен Непал шекарасында болған табиғи апат салдарынан хабар-ошарсыз кеткендер арасында Қазақстан азаматтары бар ма? Бұл сұраққа Сыртқы істер министрлігі өкілі жауап берді, деп хабарлайды KAZ.NUR.KZ.

"Қазіргі уақытта Непал мен Қытай шекарасындағы су тасқынынан зардап шеккендер мен хабар-ошарсыз кеткендер арасында Қазақстан азаматтары жоқ", - деп мәлімдеді ҚР СІМ өкілі.

Министрлік өкілдері жағдайдың бақылауда екенін жеткізді.

Еске салсақ, бүгін Қытай мен Непал шекарасыындағы өткелде көшкін жүріп, салдарынан 380 адам іс-түссіз жоғалды. Мұндай апатқа жер сілкінісі мен көшкін себеп болған.

Соңғы дерек бойынша, су тасқынынан 72 адам қаза тапқан. Бұл туралы Қытай БАҚ-тары хабарлады.

Мәтіннен қате тапсаңыз,бізге жазыңыз