Лукашенко Украина халқын Тәуелсіздік күнімен құттықтап, екіжақты қатынастарды сөз етті

Александр Лукашенко Украина халқын Тәуелсіздіктің 35 жылдығымен құттықтады, деп хабарлайды Беларусь президентінің баспасөз қызметіне сілтеме жасаған KAZ.NUR.KZ.

"Беларусь пен Украина халықтарының тарихи тағдыры бір-бірімен тығыз байланысты. Біздің ұлттарымызды ғасырлық дәстүрлер, ортақ жеңістер мен ауыр сынақтар туралы естеліктер біріктіреді", - делінген Беларусь президентінің құттықтауында.

Лукашенко "геосаяси сілкіністерге қарамастан", белорустар мен украиналықтардың болашақ ұрпағы "мәңгілік достық пен туыстық байланыстарды" сақтайтынына, ал Минск пен Киев "сенім, құрмет және тең құқылық қағидаттары негізінде өзара тиімді ынтымақтастықты қалпына келтіретініне" сенім білдірді.

"Қонақжай Беларусь елі ізгі ниетпен келген әрбір украиналық үшін әрқашан ашық", - делінген хабарламада.

Мәтіннен қате тапсаңыз,бізге жазыңыз