Кенияда тікұшақ апатқа ұшырады: ешкім аман қалған жоқ (видео)

Кенияда жеті адам мінген тікұшақ апатқа ұшырады. Апаттан аман қалғандар жоқ, деп хабарлайды KAZ.NUR.KZ Синьхуаға сілтеме жасап.

Басылымның мәліметінше, тікұшақ 19 тамызда Самбуру округіндегі Ололокве тауында құлаған. Әуе апатының салдарынан алты турист пен ұшқыш, яғни, жеті адам қаза тапты.

Полиция мәліметінше, тікұшақ Lady Lori чартерлік компаниясына тиесілі болған. Ол Лайкипия округіндегі Соян ранчосынан Кенияның орталық бөлігіндегі Лойсаба қорығына қарай ұшып бара жатқан.

Апаттың себебі әзірге белгісіз. Жергілікті авиациялық ведомстволар оқиғаның мән-жайын анықтау үшін тергеу жұмыстарын бастады.

#BREAKING A safari helicopter crash near Mount Ololokwe in Samburu County, Kenya, killed seven people, including five Americans. The AAID is investigating the cause. Deepest condolences to the families.#Kenya #AviationAccident #Samburu #KCAA @StateDept @USAmbKenya @KCA_KENYA pic.twitter.com/DYuyRkKCap

— jarvis ☠️ (@Vishii14) August 19, 2026

Мәтіннен қате тапсаңыз,бізге жазыңыз