Аргентинада шенеуніктер мінген тікұшақ апатқа ұшырады: жеті адам қаза тапты

Аргентинада шенеуніктер мінген тікұшақ апатқа ұшырады. Сан-Хуан провинциясының губернаторы Марсело Оррего қайғылы оқиға салдарынан жеті адам көз жұмғанын хабарлады, деп жазады KAZ.NUR.KZ.

Аймақ басшысы бұл туралы X әлеуметтік желісінде мәлімдеме жасады.

"Біздің провинцияда болған тікұшақ апаты туралы суыт хабарды терең күйзеліспен қабылдадық. Оқиға салдарынан жеті адам қаза тапты", - деп жазды Оррего.

Оның айтуынша, жергілікті тұрғындарды қорғауға өз өмірін арнаған мемлекеттік қызметкерлер қаза тапқан. Олар – азаматтық қорғаныс қызметінің директоры, полиция бастығының орынбасары, өрт сөндіру қызметінің бастығы, оның орынбасары және Федералдық төтенше жағдайлар агенттігінің қызметкерлері.

Сондай-ақ апат салдарынан тікұшақ ұшқышы да қаза болды.

"Осы ауыр қайғылы сәтте қаза тапқандардың отбасына шын жүректен көңіл айтамын. Жақындарынан айырылған әрбір жанның қайғысына ортақтасамыз", - деп жазды губернатор.

Мәтіннен қате тапсаңыз,бізге жазыңыз