Қытайда аяқ киім фабрикасындағы өрттен 28 адам мерт болды

Қытайдың Фуцзянь провинциясында орналасқан аяқ киім фабрикасындағы өрттен кейін іздеу-құтқару жұмыстары жүріп жатыр. 28 адам қаза тапты, деп хабарлайды KAZ.NUR.KZ Синьхуаға сілтеме жасап.

Қытайдың шығысындағы аяқ киім фабрикасында болған ірі өрттен кейін басталған іздестіру-құтқару операциясының негізгі бөлігі аяқталды. Жергілікті биліктің мәліметінше, 28 адам қаза тапқан.

9 шілдеде Фуцзянь провинциясының Цзиньцзян қаласы Чэндай кенті Цзянтоу провинциясында орналасқан Huiteng Shoes Co., Ltd. компаниясының фабрикасында өрт шықты. Өрт шыққан кезде өндіріс аумағында 237 жұмысшы және екі жеткізуші қызметкер болған.

"Ғимараттан 213 адам шығып үлгерді. Алайда дәрігерлердің күш-жігеріне қарамастан, жарақат алғандардың екеуі кейін ауруханада қайтыс болды", - делінген мақалада.

Хабар-ошарсыз кеткендер қатарында болған 26 адамның денесі табылды. Жұмада жергілікті билік негізгі іздеу-құтқару жұмыстарының аяқталғанын хабарлады.

Мәтіннен қате тапсаңыз, бізге жазыңыз