Путин Украинаға 15 мамырда келіссөздерді қайта бастауды ұсынды
Жарияланған күні:
Путин Украинаға алдын ала шарттарсыз 15 мамыр күні Ыстамбұлда келіссөздерді қайта бастауға ұсыныс жасады, деп хабарлайды BBC-ге сілтеме жасаған Kazinform.
Владимир Путин Киевке бітімге келу туралы тікелей келіссөздерді "ешқандай алдын ала шарттарсыз" қайта бастауды ұсынды.
Президент бұл келіссөздер 15 мамырда Ыстамбұлда өтуі мүмкін екенін Кремльде түнде жасаған мәлімдемесінде айтты.
"Келіссөздер барысында жаңа бітім туралы келісімге келу мүмкіндігін жоққа шығармаймын", — деді Путин.
Киев әзірге Ресей президентінің ұсынысына пікір білдірген жоқ.
Айта кетелік АҚШ, Еуропа және Украина Ресейден 30 күнге сөзсіз бітім жасауды талап еткен еді.
- "Президент Путинге алғыс айтқым келеді": Трамп Путинмен телефон арқылы не туралы сөйлесті
- Трамп Украинадағы соғыс бір тәулікте емес, алты айда аяқталуы мүмкін деп мәлімдеді
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/2243673-putin-ukrainaga-15-mamyrda-kelissozderdi-qaita-bastaudy-usyndy/
