Армения премьер-министрі Пашиняннің ТМД саммитіне не себепті қатыспайтыны белгілі болды
Жарияланған күні:
Армения премьер-министрі Никол Пашинян коронавирус жұқтырып алғанын, кейінгі екі күн үйде жұмыс істегенін мәлімдеді. Бұл туралы KAZ.NUR.KZ RBC сайтына сілтеме жасай отырып хабарлайды.
Армения премьері Никол Пашинян Telegram-дағы арнасында сырқаттанып қалуына байланысты ТМД елдері басшыларының саммитіне қатыспайтынын жазды.
"Әріптестермен ақылдаса келе, мен бүгін Санкт-Петербургте өтетін ТМД елдері басшыларының бейресми саммитіне қатыспаймын деп шештім", - деп мәлімдеді саясаткер.
Бұған қоса премьер бүгін кешке дейін 26 желтоқсандағы Еуразия экономикалық кеңесі отырысына қатысу-қатыспау туралы шешім қабылдайтынын жазды.
Кейінгі уақытта Пашинян Ұжымдық қауіпсіздік жөніндегі шарт ұйымын қайта-қайта сынап жүр. Премьер ҰҚШҰ-ның Армения мен Әзербайжан арасында Таулы Қарабахтағы жанжал кезінде Ереванға көмек көрсетпегені үшін ренжулі.
Желтоқсанның басында саясаткер "Ереван ҰҚШҰ-ға енді қайта оралуы мүмкін емес" деп мәлімдеген.
Ресей президенті Владимир Путин қарашаның аяғында ұйымның Қазақстанда өткен саммитінде Армения ҰҚШҰ-дан шығатынын ресми түрде жарияламады деген.
- Коронавирус қайтадан өрши ме: министр жауап берді
- "Сұраныс түскен жоқ": министр отандық QazVAC вакцинасы қаншалықты сұранысқа ие екенін айтты
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/2204496-pashinianning-tmd-sammitine-ne-sebepti-barmagany-belgili-boldy/