Трамп Украина жөніндегі бейбіт келіссөздер "аздап ілгері жылжыды" деп мәлімдеді
Жарияланған күні:
Дональд Трамп Украинадағы жанжалды реттеу жұмысы "аздап ілгері жылжыды" деп мәлімдеді. Бұл туралы KAZ.NUR.KZ RBC сайтына сілтеме жасай отырып хабарлайды.
АҚШ-тың жаңа сайланған президенті Флоридада Мар-а-Лаго поместьесіндегі баспасөз конференциясында журналистер сауалдарына жауап берді.
"Жанжалды доғару қажет. Біз бар күшімізді соған жұмсаймыз. Біз президент Путинмен және президент Зеленскиймен, Украина өкілдерімен сөйлесеміз. Біз бұл жанжалды тоқтатуымыз керек", - деп мәлімдеді Трамп.
Оның айтуынша, Зеленский "бейбітшілікті қалайды". Трамп билікті тапсырғалы жатқан әкімшіліктің Ресейдің ішкері аудандарына соққы жасауға рұқсат беруін қате деп есептейді. Ол осы шешімнің күшін жоюы мүмкін екенін айтып, Зеленскийге жанжалды аяқтау жөнінде келісім-шартқа отыруға дайындалуды ұсынған.
Саясаткер Украина аумағының бір бөлігін Ресейге беруі керек пе деген сауалға "Ресей және Украина жетекшілерімен алғашқы кездесуден кейін" жауап беретінін мәлімдеді.
- Ресей Таганрогты ATACMS зымыранымен атқылады десе, АҚШ "Орешник" қаруы тағы қолданылуы мүмкін деп мәлімдеді
- Лукашенко Беларусьте ядролық қару бар екенін растады
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/2200955-tramp-ukraina-zhonindegi-beibit-kelissozder-azdap-ilgeri-zhylzhydy-dep-malimdedi/