АҚШ-тағы президент сайлауы: биылғы сауалнама 2020 жылғы сайлауға ұқсас нәтижелерді көрсетті
Жарияланған күні:
Демократиялық партиядан үміткер Камала Харрис экс-президент Трамптан 4 пайызға озып кетті. Бұл АҚШ-тағы сайлау алдындағы соңғы сауалнаманың нәтижесі, деп хабарлайды The Hill басылымына сілтеме жасаған KAZ.NUR.KZ.
Сауалнаманы PBS News/NPR/Marist компаниясы жүргізді.
Олардың мәліметі бойынша, Харристі респонденттердің 51 пайызы, ал Трампты 47 пайызы қолдаған.
Бұл ретте сайлау алдындағы соңғы күндері гендерлік алшақтық айтарлықтай қысқарды.
Бұл сауалнаманың түпкілікті нәтижелері президент Байден респонденттердің 51 пайызынан, ал Трамп 47 пайызынан қолдау алған 2020 жылғы нәтижемен шамалас.
Бір қызығы, сауалнамаға қатысқан республикашылдардың шамамен 8 пайызы Харриске дауыс беруге ниетті, ал демократтардың 4 пайызы Трампқа дауыс беруге дайын.
Бұл ретте басылым сауалнамаға қатысушылардың 55 пайызы сайлауда дауыс беріп қойғанын айтса, сайлаушылардың үштен бірі сайлау күні тікелей дауыс беруді жоспарлап отырғанын жазады.
PBS News/NPR/Marist сауалнамасы 31 қазан мен 2 қараша аралығында 1300 ықтимал сайлаушы арасында жүргізілгені атап өтілді.
- Камала Харрис АҚШ-тағы президент сайлауында пошта арқылы дауыс берді
- Трамп Байденнің "қоқыс" туралы сөзінен кейін қоқыс таситын көлікке мінді (видео)
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/2183007-aqsh-tagy-prezident-sailauy-biylgy-saualnama-2020-zhylgy-sailauga-uqsas-natizhelerdi-korsetti/