Түркияда тағы да екі жер сілкінісі тіркелді
Жарияланған күні:
24 ақпан күні кешке Түркияның орталық аймақтарында 4 баллдан жоғары екі жер сілкінісі тіркелді, деп хабарлайды KAZ.NUR.KZ TRT Haber арнасына сілтеме жасап.
Төтенше жағдайлардың және зардаптарын алдын алу басқармасының (AFAD) twitter парақшасындағы ақпаратына сәйкес, Малатия қаласының Питурге аймағында магнитудасы 4,7 болатын жер сілкінісі болды. 24 ақпан сағат 23.25-те болған жер сілкінісі 7 шақырым тереңдікте тіркелген.
Сонымен қатар Сивас қаласының Гюрюн ауданында кешкі сағат 20:19-да магнитудасы 4,7 болатын жер сілкінісі тіркелген. Жер сілкінісі жер бетінен шамамен 5,3 шақырым тереңдікте болды. Зардап шеккендер болмаған.
Айта кетейік, 6 ақпан күні болған Түркия мен Сирияда болған жойқын жер сілкінісі салдарынан қаза тапқандар саны 50 мыңнан асты.
Түркия президенті Ердоған апат салдарын жою, қалпына келтіру жұмыстары 1 наурызда басталатынын, 270 мыңдай тұрғын үй салу жоспарланғанын мәлімдеді.
- Тоқаев Түркия мен Сирияға барған құтқарушыларды марапаттады
- Түркиядағы іздестіру-құтқару жұмыстарына қатысқан барлық қазақстандық құтқарушыға сыйақы төленеді
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/2010825-turkiyada-tagy-da-eki-zer-silkinisi-tirkeldi/