Әскери қақтығыс басталғалы бері Украинадан 6 миллионнан астам адам кеткен
Жарияланған күні:
БҰҰ босқындар ісі жөніндегі жоғарғы комиссары басқармасының сайтындағы деректерге сүйенсек, әскери қақтығыс басталғалы бері Украинадан алты миллионнан астам адам кеткен, деп хабарлайды KAZ.NUR.KZ тілшісі.
Сайттың мәліметінше, Украинадан босып кеткен азаматтардың басым көпшілігі, яғни 3,2 млн адам Польшаға барған. Тағы 895,8 мыңы Румынияға, 785 мыңы Ресейге кеткен.
Сондай-ақ қазір 583 мың Украина азаматы Венгрияда болса, 459,5 мыңы Молдаваға барған.
Одан бөлек Словакияға 409,5 мың, Беларуське 27 мың босқын кеткен.
Айта кетейік, сәуір айының соңындағы дерек бойынша соғыс басталғалы бері Украинадан кеткен азаматтар саны 5 миллионға жеткен еді. Сонымен қатар БҰҰ сәуірдің ортасынан бастап күн сайын ондаған мың украиналықтың отанына орала бастағанын хабарлаған болатын.
- АҚШ-тың бірінші ханымы Джилл Байден Украинаға барды
- Ресейдің БҰҰ Адам құқығы кеңесіндегі мүшелігі тоқтатылды
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/1969090-askeri-qaqtygys-bastalgaly-beri-ukrainadan-6-millionnan-astam-adam-ketken/