Қазақстандағы кезектен тыс президент сайлауы

Айбек Смадияров Қазақстанның шет елдердегі мекемелерінде орналасқан сайлау учаскелерінің жұмысын қамтамасыз ету бойынша Сыртқы істер министрлігінің жұмысы аяқталғанын мәлім етті.

Орталық сайлау комиссиясы таратқан мәліметке сәйкес, 2022 жылғы 20 қарашада, дауыс беру күні Орталық сайлау комиссиясы күні бойы учаскелердің ашылуы және дауыс берудің басталуы туралы ақпарат беріп, әрбір екі сағат сайын ОСК мүшелері дауыс берушілердің келуі туралы облыстардың, республикалық маңызы бар қалалардың, елорданың аумақтық комиссияларының деректерін таратқан.

Прокуратура өкілінің айтуынша, ел бойынша жалпы электоралды кампания мен сайлау процесі барысында айтарлықтай тәртіпсіздіктер болмаған.

Дәл қазір бүкіл ел бойынша президент сайлауында дауыс беру аяқталды. Қазақстанның кейбір шетелдік мекемелеріндегі сайлау учаскелері жұмысын жалғастыруда.

"Облыстардың, республикалық маңызы бар қалалардың, елорданың комиссиялары ұсынған деректерге сәйкес, 2022 жылғы 20 қараша сағат 20.05-тегі жағдай бойынша тізімге енгізілген азаматтардың жалпы санының 69,31 % бюллетень алды", - делінген ОСК хабарламасында.

Жандос Мұраталиевтің сөзінше, республика бойынша құқық қорғау органдары заңдылық пен тәртіптің сақталуын қамтамасыз етуде.

Бас прокуратураның ресми өкілі Азамат Серғазиннің айтуынша, осы сағатқа дейін президент сайлауында азаматтардың сайлау құқығын бұзу және басқа да заңсыз әрекеттер тіркелмеген.

"Облыстардың, республикалық маңызы бар қалалардың, елорданың комиссиялары ұсынған деректерге сәйкес, 2022 жылғы 20 қараша сағат 14.05-тегі жағдай бойынша тізімге енгізілген азаматтардың жалпы санының 51,16 пайызы бюллетень алды", - делінген ОСК хабарламасында

Сенатор Дана Нұржігіт кезектен тыс президент сайлауында алғашқылардың бірі болып дауыс берген. Ол бұл жайлы 800 мың оқырманы бар Instagram парақшасында мәлімдеді.

"Облыстардың, республикалық маңызы бар қалалардың, елорданың комиссиялары ұсынған деректерге сәйкес, 2022 жылғы 20 қараша сағат 12.05-тегі жағдай бойынша тізімге енгізілген азаматтардың жалпы санының 38,55 % бюллетень алды", - деп мәлімдеді ОСК.