Қазақстан мен Қытай шекарасындағы өткізу пункттері уақытша жабылады

Қазақстан мен Қытай шекарасындағы автомобиль өткізу пункттері бір күнге жабылады, деп хабарлайды Мемлекеттік кірістер комитетіне сілтеме жасаға KAZ.NUR.KZ.

МКК ресми сайтында 25 қыркүйекте Қазақстан-Қытай шекарасындағы автомобиль өткізу пункттері арқылы жеке тұлғаларды, көлік құралдары мен жүктерді өткізу уақытша тоқтатылатынын ескертті.

Бұл Қытайда "Күз ортасы мерекесінің" атап өтілуіне байланысты.

"Қазақстан-Қытай шекарасындағы теміржол өткізу пункттері штаттық режимде жұмысын жалғастырады.

Тасымалдаушылар мен мемлекеттік шекарадан өтуді жоспарлап отырған азаматтарды енгізілген шектеулерді ескере отырып, өз бағыттарын алдын ала жоспарлауға шақырамыз", - делінген хабарламада.

Мәтіннен қате тапсаңыз,бізге жазыңыз