Қазақстандықтар арасында танымал Түркия курортына Алматы мен Астанадан рейстер ашылады

Түркиялық SunExpress әуекомпаниясы Измир мен Астана арасында жаңа бағыт ашып, Алматыдан Измирге рейстер санын көбейтпек, деп хабарлайды Көлік министрлігіне сілтеме жасаған KAZ.NUR.KZ.

SunExpress әуе компаниясы Измир – Астана жаңа бағыты бойынша тұрақты рейстерді іске қосуды жоспарлап отыр. Рейстер аптасына екі рет – сәрсенбі және сенбі күндері Boeing 737 әуе кемелерімен орындалады.

Сонымен қатар 25 қазаннан бастап әуекомпаниясы Алматы – Измир қолданыстағы бағыты бойынша рейстер санын аптасына екіден үш рейске дейін арттырады.

Әуе қатынасының ашылуы және рейстер санының артуы екі ел арасындағы сауда-экономикалық, іскерлік және туристік ынтымақтастықты одан әрі дамытуға ықпал етеді деп күтіліп отыр.

Мәтіннен қате тапсаңыз,бізге жазыңыз