Атыраудағы бір отбасының өлімі: Ақбаян Мұқанғалиева жақындарынан айырылып қалғанын әлі естімеген

Психикалық денсаулық орталығынан шыққан Ақбаян Мұқанғалиева балаларымен кездесіп жүр. Ол ата-анасы мен бауырларын бұрынғы күйеуі Сұлтан Сәрсемалиев өлтіргенін әлі білмейді, деп хабарлайды "Ақ жайық".

Психикалық денсаулық орталығынан шыққан Ақбаян туысының үйінде тұрып жатыр және жақындары оны жіті бақылауда ұстап отыр. Ол оңалту орталығына барып, емделіп жүр.

Басылымының хабарлауынша, балаларымен кездесу – оның қалпына келу жолындағы маңызды кезеңдердің бірі. Әйел балаларымен жиі көрісіп, уақыт өткізеді. Туыстарының айтуынша, бұл оның эмоционалдық жағдайына оң әсер етеді.

Жақындарының қайтыс болғаны туралы хабарды туыстары әзірге айтуға асығар емес. Олар мұндай ауыр хабар әйелдің жағдайын күрт нашарлатып жібере ме деп қауіптенеді және оның бұл ақпаратты қабылдауға дайын болар сәтін күтуде.

Мәтіннен қате тапсаңыз,бізге жазыңыз