Red Bull Ayaldama: жаңа комедиялық жобада соңғы аялдамаға кімнің жететінін тек көрермен шешеді

27 тамызда Кинопоискте толығымен қазақ тілінде түсірілген жаңа комедиялық жоба – Red Bull Ayaldama шықты. Шоуда комиктер қозғалып келе жатқан автобуста өнер көрсетеді, ал көрермен әр қатысушының тағдырын шешеді. Red Bull Ayaldama жобасының басты ережесі қарапайым: егер әзіл күлкілі болмаса, көрермен "қарсы" батырмасын басады.

Дауыстар арнайы бағанда жиналады. Ол толық толған кезде комик ойыннан шығып, күлкілі емес әзілдері үшін автобустан түседі. Көрерменнің назарын сақтап, оларды күлдіре алатындар ғана соңғы аялдамаға дейін жетеді.

Жоба жалпы саны 6 шығарылымнан тұрады. Оларда соңғы аялдамаға дейін жету үшін Аңсаған Садырханов, Шыңғыс Ермек, Руслан Тай және басқа да комиктер бақ сынайды.

Қазақстандық комедия сахнасының үздік өкілдерімен қатар, кейбір шығарылымдарда арнайы шақырылған жолаушыларды да көруге болады. Олардың қатарында ALPHA тобы мен блогер Нұрдәулет NNN бар.

Red Bull Ayaldama – стендаптың қалыптасқан форматына жаңаша көзқарас ұсынатын бірегей эксперимент. Мұнда комик сахна мен прожекторлардың арқылы жасырына алмайды. Ол автобустың шектеулі кеңістігінде көрерменмен бетпе-бет қалады, ал олар кез келген сәтте оны аяусыз ойыннан шығарып, автобустан түсіре алады.

Жобаның басты ерекшелігі – оның толығымен қазақ тілінде өтуі. Барлық қойылым, әзіл және қатысушылардың көрерменмен қарым-қатынасы қазақ тілінде өтеді. Осылайша Ayaldama жобасы заманауи қазақ тіліндегі комедия кеңістігінде жаңа әрі елеулі жобаға айналады.

Барлық шығарылымдарды енді Кинопоискте көруге болады.

Мәтіннен қате тапсаңыз,бізге жазыңыз