Қарағанды облысында тұрғын үй аумағынан жылан ұсталды (видео)

Қарағанды облысында ТЖМ қызметкерлері тұрғын үй аумағында жүрген жыланды ұстап, табиғи ортаға жіберді. Бұл туралы KAZ.NUR.KZ порталы ТЖМ-ге сілтеме жасап хабарлады.

Ведомствоның ресми Telegram-арнасындағы ақпаратқа сәйкес, 112 пультіне Приозерск қаласында тұрғын үйдің маңынан жылан байқалғаны туралы хабарлама келіп түсті.

Оқиға орнына келген құтқарушылар жағдайды бағалап, арнайы "жылан ұстағыш" құралдың көмегімен бауырымен жорғалаушыны ұстап алды. Кейін жылан тұрғын үйлер мен адамдар көп жүретін жерлерден алыс жерге, табиғи мекендеу ортасына жіберілді.

️ТЖМ ескертпесі:

• жыланды көрген жағдайда оны өз бетіңізше ұстауға немесе қуып жіберуге әрекет жасамаңыз.
• сабыр сақтап, қауіпсіз арақашықтық сақтаңыз және балалар мен үй жануарларын оған жақындатпаңыз.
• жылан қауіп төндірсе, 112 нөміріне дереу хабарласыңыз.

Мәтіннен қате тапсаңыз,бізге жазыңыз