"Әр баланың ерікті таңдауы": министрлік 1 қыркүйекте мұғалімдерге гүл сыйлауға қатысты мәлімдеме жасады

Оқу-ағарту министрлігі жаңа оқу жылының басталуына орай мұғалімдерге гүл сыйлауға қатысты мәлімдеме жасады, деп хабарлайды KAZ.NUR.KZ.

"1 қыркүйекте ұстазға гүл сыйлау жақсы дәстүр. Алайда ол міндетке, жарысқа немесе артық шығынға айналмауы тиіс.

Ең бастысы гүлдің көлемі немесе бағасы емес, баланың ұстазына деген құрметі. Сондықтан гүл сыйлау әр бала мен ата-ананың ерікті таңдауы болуы керек", - деп мәлімдеді министрлік.

Ведомство білім беру ұйымдары гүл немесе сыйлық сатып алуға бастамашылық жасамауы, ақша жинауды ұйымдастырмауы және мұны ата-аналарға міндеттемеуі тиіс екенін еске салды.

"Біздің мақсатымыз мектептегі алғашқы күнді даңғазасыз, жылы әрі тәрбиелік мәнде өткізу, балаларды ұстазды құрметтеуге, қарапайымдылық пен ізгілікке тәрбиелеу", - делінген хабарламада.

Мәтіннен қате тапсаңыз,бізге жазыңыз