Алматыда 30 тамызға дейін көшелердің бірінде көлік қозғалысы шектеледі

Алматыда апта соңына дейін Жандосов көшесінің бір бөлігінде көлік қозғалысына шектеу қойылады. Бұл туралы KAZ.NUR.KZ Telegram-дағы AlmatyJoly арнасына сілтеме жасап хабарлады.

Алматы қалалық әкімдігінің мәліметінше, Жандосов көшесінің қала шекарасынан Дәулеткерей көшесіне дейінгі бөлігінде орташа жөндеу жұмыстарын жасау жоспарланған. Осыған байланысты 27 тамыз сағат 22:00-ден 30 тамыз сағат 06:00-ге дейін аталған учаскеде реверсивті қозғалыс болады.

"Жол толықтай жабылмайды. Жол қозғалысына қатысушылардан уақытша қолайсыздықтарға түсіністікпен қарауды, жылдамдық режимін сақтауды және уақытша жол белгілерінің талаптарын орындауды сұраймыз", - деп ескертті Алматы тұрғындары мен қонақтарын әкімдіктегілер.

Жөндеу жұмыстарының мерзімі ауа райына және өндірістік қажеттілікке байланысты өзгеруі мүмкін.

Мәтіннен қате тапсаңыз,бізге жазыңыз