Қазақстанда "Болашақ" стипендиясын кімдер иеленгені белгілі болды

Ғылым және жоғары білім министрі Саясат Нұрбек "Болашақ" халықаралық стипендиясы мен "Ғылыми тағылымдамалар" бағдарламасы иегерлерінің тізімін жариялады, деп хабарлайды KAZ.NUR.KZ.

Жаңа стипендия иегерлерінің қатарында 179 магистрант, 12 докторант және бакалавриатта білім алатын бір стипендиат бар. Сонымен бірге 40 қазақстандық шетелдік ұйымдарда кәсіби тағылымдамадан өту мүмкіндігіне ие болды.

"Бізге шетелдік университеттердің жай ғана түлектері емес, Қазақстанның технологиялық және экономикалық дамуына үлес қоса алатын білікті кадрлар қажет.

Барлық стипендия иегерін құттықтаймын! Оқуларыңызға сәттілік, жарқын жаңалықтар, мықты кәсіби байланыстар тілеймін. Ең бастысы — жаңа білім мен идеяларды ел игілігіне жарату үшін Қазақстанға аман-есен оралыңыздар", - деп жазды Саясат Нұрбек.

Толық тізімді мына сілтеме арқылы қарауға болады.

Мәтіннен қате тапсаңыз,бізге жазыңыз