Алматы тауларында 17 жастағы турист құтқарушыларды шақыруға мәжбүр болды

Горельник шатқалында 17 жастағы турист басы айналып, өзін жайсыз сезінген. ТЖМ құтқарушылары оған алғашқы медициналық көмек көрсетіп, "Медеуге" жеткізді, деп хабарлайды KAZ.NUR.KZ ТЖМ-ге сілтеме жасап.

Алматы қаласының Медеу ауданындағы Горельник шатқалында, "Шымбұлақ" тау шаңғысы курортынан төмен жерде 17 жастағы туристің денсаулығы сыр беріп, өзін жайсыз сезінген. Ол басы айналғанын айтып, құтқарушылардың көмегіне жүгінді.

"ТЖМ "Барыс" Республикалық құтқару қызметі бөлімшесінің құтқарушылары оқиға орнына жетіп, зардап шеккен адамға алғашқы медициналық көмек көрсетті. Кейін оны "Медеу" мұз айдынына дейін алып түсіп, жедел жәрдем бригадасына тапсырды", - делінген хабарламада.

Мәтіннен қате тапсаңыз,бізге жазыңыз