Атырауда бет-жүзін тұмшалаған 6 жолаушы жауапкершілікке тартылды

Атырауда көлік полицейлері бет-жүзін тұмшалаған 6 жолаушыны анықтап, жауапкершілікке тартты, деп хабарлайды Polisia.kz порталына сілтеме жасаған KAZ.NUR.KZ.

ІІМ-нің ақпараттық медиапорталының мәліметінше, Атырау станциясындағы көліктегі полиция бөлімінің қызметкерлері әуежайда, яғни қоғамдық орындарда бет-әлпетті тануға кедергі келтіретін киім-кешек киген алты азаматты анықтаған.

Олар Атырау – Стамбұл әуе рейсімен шетелге ұшқан Атырау қаласының тұрғындары болып шыққан.

Құқық бұзушылар елге оралғаннан кейін Қазақстан Республикасының қоғамдық орындарда бет-әлпетті тануға кедергі келтіретін киім-кешекті киіп жүру туралы заңнамасының талаптарын бұзғаны үшін жауапкершілікке тартылған.

Сонымен қатар аталған тұлғалармен алдын алу және түсіндіру жұмыстары жүргізілген.

Мәтіннен қате тапсаңыз,бізге жазыңыз