Алматы полициясы күшейтілген режимге көшті

Алматыда полиция жұмысы күшейтілді. Жедел-профилактикалық іс-шара аясында көшелерде, аулаларда және адамдар көп жиналатын орындарда патруль қызмет етеді, деп хабарлайды KAZ.NUR.KZ полиция департаментіне сілтеме жасап.

Алматыда "Құқықтық тәртіп" жедел-профилактикалық іс-шарасы өтіп жатыр. Оның аясында полицияның кешенді күштері қызмет өткерудің күшейтілген режиміне көшірілді.

Абай алаңында бірыңғай саптық тарату өтіп, жеке құрамның, қызметтік автокөліктер мен арнайы техниканың дайындығы тексерілді.

Полиция көшелерде, адамдар көп жиналатын орындарда, аулаларда және ерекше назарды қажет ететін аумақтарда патрульдеуді күшейтеді.

"Жеке құрамның алдына нақты міндеттер қойылды – азаматтардың қауіпсіздігін қамтамасыз ету, құқық бұзушылықтар мен қылмыстардың алдын алу, кез келген заңға қайшы әрекетті дер кезінде тоқтату. Қазірдің өзінде жасалған құқық бұзушылықтарға жедел әрекет ету ғана емес, қауіптің алдын алып, озық жұмыс істеу маңызды. Әр қызметкер Алматы тұрғындары мен қонақтарының қауіпсіздігіне жауапкершілігін нақты түсінуге тиіс", - деп атап өтті Айдын Кабдулдинов.

Посмотреть эту публикацию в Instagram

Публикация от Алматы қаласының ПД | ДП г.Алматы (@almaty.police)

Мәтіннен қате тапсаңыз,бізге жазыңыз