Өскеменде баласын жоғалтып алған Қытай азаматтары полицияға жүгінді

Өскемендегі сауда үйлерінің бірінде 12 жастағы Қытай азаматы жоғалған. Полиция қызметкері шетелдік баланы тауып, ата-анасына табыстады, деп хабарлайды KAZ.NUR.KZ Telegram-дағы "ІІМ жаңалықтары" арнасына сілтеме жасап.

Ведомство мәліметінше, Өскемендегі сауда үйлерінің бірінде 12 жастағы Қытай азаматы жоғалғаны туралы полицияға хабар түскен.

Кәмелетке толмаған бала ата-анасымен бірге Өскеменге турист ретінде келгені белгілі болды. Сауда үйіне келген кезде бала адасып қалып, ата-анасын өз бетінше таба алмаған.

Оқиға орнына полиция қызметкері Бекжан Акрашов дереу жетіп, іздестіру іс-шараларын ұйымдастырған.

Полицейдің үйлесімді әрі кәсіби әрекеттерінің арқасында 40 минут ішінде 12 жастағы Zhang Tang Bo табылды. Бала ата-анасына табысталды.

Кәмелетке толмаған баланың анасы полицейге көрсеткен жедел көмегі үшін шын жүректен алғысын білдірді.

Мәтіннен қате тапсаңыз,бізге жазыңыз