Ыстықкөлден ұшып шығатын қазақстандықтар үшін маңызды хабарландыру жасалды

Ыстықкөлдегі Тамшы әуежайынан ұшатын жолаушыларға әуежайға ертерек келу ұсынылды, деп хабарлайды FlyArystan әуекомпаниясының баспасөз қызметіне сілтеме жасаған KAZ.NUR.KZ.

Әуекомпаниясының баспасөз қызметі 30 шілде мен 2 тамыз аралығында Ыстықкөлде көлік қозғалысына уақытша шектеулер енгізілетінін ескертті.

Бұл халықаралық спорттық іс-шараның өткізілуіне байланысты. Шектеулер Шолпан-Ата – Тамшы әуежайы бағытын да қамтиды.

"Осыған байланысты жол қозғалысындағы ықтимал өзгерістерді алдын ала ескеріп, әуежайға ертерек шығуды сұраймыз. Ұшу алдындағы барлық рәсімнен уақытылы өту үшін әуежайға ұшуға кемінде 3 сағат қалғанда келуге кеңес береміз.

Түсіністік танытқандарыңыз үшін алғыс білдіреміз және сіздерге сәтті сапар тілейміз", - делінген хабарламада.

Мәтіннен қате тапсаңыз,бізге жазыңыз