Ақтөбе облысында республикалық маңызы бар автожолда қозғалыс уақытша шектелді

Ақтөбе облысында республикалық маңызы бар автожол учаскесінде қозғалысқа уақытша шектеу енгізілді, деп хабарлайды "ҚазАвтожолға" сілтеме жасаған KAZ.NUR.KZ.

Компанияның мәліметінше, қайта жаңарту жұмыстарының жүргізілуіне байланысты 27 маусым сағат 17:00-ден бастап Ақтөбе облысындағы "Самара – Шымкент" автожолының 763-773 шақырым аралығында ("Ақтөбе – Қарабұтақ – Ұлғайсын" учаскесі) қозғалыс уақытша шектелген.

"Шектеу Хромтау қаласы бағытына қарай жолдың оң жақ жүру бөлігінде қолданылады.

Көлік қозғалысы қарсы бағыттағы жолмен ұйымдастырылып, әр бағытқа бір жолақтан қозғалыс қамтамасыз етілген", - делінген хабарламада.

"ҚазАвтожол" жүргізушілерді уақытша жол белгілері талаптарын қатаң сақтап, жылдамдықты төмендетіп, жолда барынша мұқият болуға шақырады.

Мәтіннен қате тапсаңыз, бізге жазыңыз