Демалыс күндері Қазақстанда 40 градусқа дейін ыстық, қатты жаңбыр күтіледі

Синоптиктер 6-8 маусым аралығында ел аумағында ауа райы қандай болатынын айтты, деп хабарлайды "Қазгидромет" РМК-ға сілтеме жасаған KAZ.NUR.KZ.

Метеорологтардың мәліметінше, алдағы күндері Қазақстанның басым бөлігінде батыс циклоны өз әсерін сақтайды.

Сондықтан ел аумағында жаңбыр, найзағай, желдің күшеюі бұршақ күтіледі.

• 6-8 маусым күндері – елдің батысында;
• 6 маусымда – қиыр солтүстікте және оңтүстік-шығыста;
• 8 маусымда солтүстік-батыста қатты жаңбыр жаууы ықтимал.

Кезеңнің басында елдің шығысы мен орталығында жауын-шашынсыз ыстық күн райы сақталады.

Күндіз ауа температурасы:

• батыста +20…+30°С-қа дейін төмендейді;
• солтүстікте +28…+35°С-қа дейін жоғарылайды;
• орталықта +30…+38°С қатты ыстық күтіледі;
• оңтүстікте +35…+40°С қатты ыстық болады;
• оңтүстік-шығыста +30…+39°С қатты ыстық сақталады;
• шығыста ауа температурасының негізгі фоны +30…+37°С аралығындағы қатты ыстық болады.

Мәтіннен қате тапсаңыз, бізге жазыңыз