Экс-министр Мұхамедиұлымен байланысты компания иелігінен 1,3 млрд теңгелік актив мемлекетке қайтарылды

Алматы прокуратурасы мәдениет және спорт экс-министрі Арыстанбек Мұхамедиұлымен байланысты компанияның заңсыз иелігінен "Қазақ энциклопедиясы" ЖШС-нің 100 пайыз үлесін мемлекетке қайтарды, деп хабарлайды KAZ.NUR.KZ ведомствоға сілтеме жасап.

Прокуратура мәліметінше, жеке заңды тұлға заңсыз жекешелендірген "Қазақ энциклопедиясы" ЖШС-нің 100 пайыз үлесі мемлекетке қайтарылды.

2015 жылы мекеменің жылжымайтын мүлік түріндегі активтері заңсыз иеліктен шығарылған.(Әуезов ауданындағы ауданы 2 108,3 м2 жер учаскесі бар ғимарат).

Мемлекеттің мүліктік мүдделерін қорғау мақсатында Алматы қаласы Әуезов ауданының прокуратурасы жекешелендіру шартын және одан кейінгі мәмілелерді жарамсыз деп тану туралы сотқа талап-арызбен жүгінген.

Кассациялық соттың қаулысымен прокуратураның талап-арызы толық көлемде қанағаттандырылды, құны 1,3 млрд теңге болатын актив мемлекетке қайтарылатын болды.

Мәтіннен қате тапсаңыз, бізге жазыңыз