Бишімбаевтың адвокаты медаль алды
Жарияланған күні:
Экс-министр Қуандық Бишімбаевты сотта қорғаған адвокаттардың бірі Ерлан Ғазымжанов әлеуметтік желілерде Қазақстан адвокатурасы күніне орай медаль алғанын жазды. Бұл туралы KAZ.NUR.KZ хабарлайды.
"5 желтоқсанда, Қазақстан адвокатурасы күнінде, мен кәсібилігі үшін медалімен марапатталдым. Ол мен үшін еңбегім мен жеткен жетістіктерімнің белгісі ғана емес, азаматтардың құқықтары мен еркіндігін қорғау жолында шабыт беретін сыйлыққа айналды", - деп жазды Ғазымжанов Instagram-дағы парағына.
Естеріңізге сала кетейік, Салтанат Нүкенованың қазасына қатысты атышулы сот процесінде Қуандық Бишімбаевтың мүддесін Назкен Құсайынова, Лейла Рамазанова және Ерлан Ғазымжанов қорғаған.
Осы сотта жәбірленуші тарап мүддесін қорғаған адвокат Жанна Оразбақова "Ерен еңбегі үшін" медалін алғанын хабарлаған. Оның айтуынша, тиісті құжатқа Республика күні қарсаңында президент Қасым-Жомарт Тоқаев қол қойған.
Қазанның аяғында Бас прокуратура да мемлекеттік сыйлықтар тапсырған. Оларды алғандар арасында Айжан Аймағанова мен Саяхат Нұрбековтер бар. Бұл екеуі Бишімбаев ісінде айыптаушы тарап жағынан сотқа қатысқан.
- Бишімбаев колонияда жұмыс істеп жүр ме: Қылмыстық-атқару жүйесі комитеті өкілдері жауап берді
- "Қызымның есімін атап оянамын": Салтанат Нүкенованың анасы желіде жүрекжарды жазба жариялады (видео)
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2197277-bishimbaevtyng-advokaty-medal-aldy/