Қазақстандық спортшы жартылай финалда сынға түсті
Жарияланған күні:
Қазақстандық спортшы Георгий Борода-Дудочкин Париж Олимпиадасында қазіргі бессайыстан жартылай финалдық бәсекеге қатысты. Бұл туралы KAZ.NUR.KZ тілшісі хабарлайды.
Жартылай финалда спортшылар 200 метрге еркін әдіс арқылы жүзу, конкур (атпен шабу), семсерлесу және лазер-ран (жүгіру, оқ ату) сайыстары бойынша бақ сынады.
А тобының жартылай финалдық бәсекесінде жалпы саны 18 спортшы шеберлік байқасты. Финалдық кезеңге үздік нәтиже көрсеткен 9 спортшы жолдама алады.
Георгий Борода-Дудочкин жалпы саны 1452 ұпай жинақтап, 16-орынға жайғасты.
Айта кетейік, кеше 8 тамызда Георгий Борода-Дудочкин ерлер арасындағы жарыста рейтингтік раундта 36 спортшының ішінде 35-орынға тұрақтады. Ол 10 рет жеңсе, 25 мәрте жеңіліп, 175 ұпай жинады.
Ал әйелдер арасындағы сайыста Елена Потапенко 36 спортшының ішінде 27-орынға тұрақтады. Ол 15 рет жеңсе, 20 мәрте жеңіліп, 200 ұпай жинады.
- Қазақстандық каноэшілер В финалында үшінші орынға ие болды
- Париж Олимпиадасы: Юсуп Батырмұрзаев алғашқы айналымда жеңіліп қалды
Мәтіннен қате тапсаңыз, бізге жазыңыз
Оригинал статьи: https://kaz.nursport.kz/olympiad/2146998-qazaqstandyq-sportshy-zhartylai-finalda-synga-tusti/